LAJME

Të rejat dhe zhvillimet e fundit

1. Një i ri nga Vlora humb jetën nga malaria

Në Klinikën e Sëmundjeve Infektive ka humbur jetën një i ri nga Vlora, i prekur nga malaria. Ndërkohë mjekët kërkojnë furnizimin e klinikës me medikamente pasi, malarja si sëmundje ka disa dekada që është zhdukur, ndaj dhe nuk ka patur medikamente. Mjekët raportojnë për 50 raste të trajtuara në Klinikën e Sëmundjeve Infektive, kryesisht punëtorë shqiptarë sezonalë, që vijnë nga vende të prekura nga kjo sëmundje. “Në një vit, në klinikën tonë janë kuruar afërsisht 50 raste të reja me malarje. Dua të nënvizoj që të gjithë këto raste janë të eksportuara, të ardhura nga jashtë nga qytetarë shqiptarë që punojnë jashtë vendit. Do t’i kemi rastet tona autoktone, sepse mjafton të kemi një burim infeksioni, një person i sëmurë që vjen i sëmurë tek ne, transmetuesi që është mushkonja, çdo njeri mund të preket nga malarja dhe malarja, një sëmundje e harruar për dhjetëra vite, të rishfaqet përsëri dhe ne të futemi në hartat e OBSH-së si vend malarik”, deklaroi mjeku infeksionist, Pëllumb Pipero për mediat.

Po çfarë është sëmundja e malaries?

Malaria është një infeksion i shkaktuar nga parazitë njëqelizorë, të cilët hyjnë në gjak nëpërmjet ngacmimit nga mushkonja e malaries. Këta parazitë mund të shfaqen në pesë specie të ndryshme. Një pjesë e këtyre parazitëve kalojnë kohë në jetën e njeriut të infektuar e disa të tjerë në trupin e mushkonjës së malaries. Në trupin e njeriut ato përqendrohen në mëlçi dhe te rruazat e kuqe të gjakut. Pasi hyn në gjak ky parazit, fillojnë të shfaqen simptomat e para të malaries. Dëmtimet që sjell kjo sëmundje janë vdekjeprurëse. Simptomat e para shfaqen brenda pak javëve nga pickimi i mushkonjës së malaries. Simptomat që shfaq sëmundja e malaries janë: temperaturë e lartë, lodhje, dhimbje koke, dhimbje muskujsh, çrregullime me aparatin tretës, të vjella, ndjesi të fikëti etj.

Sëmundja

Malaria është një sëmundje që aktualisht është e përhapur në rajonet tropikale dhe subtropikale të Afrikës, por që ka qenë e pranishme në shumë rajone moçalore (edhe në disa vende të Europës) deri në mesin e shekullit XX, pra deri në momentin që filloi bonifikimi i terreneve me ujë të ndenjur. Edhe pse kemioprofilaktika, kemioterapia dhe lufta kundër mushkonjave anofele nëpërmjet insekticidëve ka patur sukses të madh, malaria është ende një sëmundje që vret shumë persona sidomos në vendet në zhvillim.

2. Malaria, një tjetër rast në QSUT

Një rast tjetër është paraqitur me malarje në Shërbimin Infektiv në Qendrën Spitalore Universitare “Nënë Tereza” në Tiranë, tek një shtetas i ardhur nga Guinea. Mjeku infeksionist, Pëllumb Pipero, tha për ATSH-në se “i riu, 35 vjeçar nga Vlora, kishte ardhur nga Guinea. Ndërsa, aktualisht paraqitet jashtë rrezikut për jetën, pas marrjes së mjekimit”.

Sipas tij, për rreth një vit janë paraqitur në Shërbimin Infektiv në QSUT rreth 50 raste me malarje, të gjitha të eksportuara, të raportuara kryesisht tek punëtorë sezonalë që punojnë jashtë vendit, kryesisht në Guine”.

Në fund të dhjetorit, një i ri nga Vlora humbi jetën për shkak të kësaj sëmundjeje. I riu kishte ardhur në Shqipëri nga Guineja për të kaluar festat e fundvitit pranë familjes, ndërkohë që ishte paraqitur në QSUT në gjendje të rëndë.

Pipero tha se aktualisht medikamentet e domosdoshme për trajtimin e sëmundjes gjenden në shërbimin infektiv, ndërkohë që drejtoresha e QSUT, Ogerta Manastirliu garantoi më parë për një zgjidhje afatgjatë të furnizimit me barna për këtë sëmundje.

Malarja është një sëmundje e zhdukur prej dekadash në Shqipëri, për transmetimin e së cilës nuk kërkohet vetëm transmetimi mes individëve, por dhe një vektor që në këtë rast është mushkonja. 

3. Pickohet nga merimanga, rrezikon të humbasë këmbën!

Kafshimi nga një merimangë helmuese gati sa nuk i ka kushtuar humbjen e një këmb Riki Uitmorit nga Britania e Madhe.
 
Ai, siç shkruan Dailymail, u kafshua teksa po dekoronte një klasë në një shkollë.
 
Mjekëve iu desh t'i hapnin këmbën për t'i nxjerrë helmin jashtë. Ai do të duhet të qëndrojë në regjim shtrati për plot 6 muaj.
 
Një tjetër rast, 22-vjeçari Stiv Harris u detyrua të hynte në sallën e operacionit për të operuar plagën e thellë që i kishte shkaktuar helmi i merimangës.

4. Pastori i gjarpërinjve gjen vdekjen

Një pastor amerikan, i bërë i famshëm në një program televiziv për shpëtimin dhe ruajtjen e gjarpërinjëve, gjeti vdekjen nga një i tillë.

Pastori i quajtur Jamie Coots u kafshua në dorë nga një gjarpër me zile në ambientet e kishës “Jesus Name” në Middlesboro, Kentucky ku ai zhvillonte shërbesat e tij.

Departamenti i policisë së Middlesboro-s tha se Coots kishte refuzuar ndihmën mjekësore pas kafshimit.

Vitin e kaluar Coots deklaroi se përkujdesej për gjarpërinjtë për arsye fetare duke cituar një psalm të Ungjillit sipas Markut ku thuhet: “Ata duhet të marrin gjarpërinjtë dhe asgjë nuk do t’u ndodhë; nëse vendosin duart mbi të sëmurët, ata do të shërohen”.

Policia tha se kur ambulanca mbërriti në kishën e pastorit Coots, stafi i tij u tha se ai kishte ikur në shtëpi. Ambulanca u drejtua banesës së tij, por edhe atje u refuzua prej pastorit. Pak orë më vonë, familjarët e Jamie morën në telefon urgjencën, por këtë herë ishte vonë. Kur ambulanca mbërriti në shtëpinë e tyre, pastori kishte ndërruar jetë.

Djali i pastorit, i quajtur Cody tha se babai i tij ishte kafshuar edhe herë të tjera nga gjarpërinjtë dhe ishte shëruar sërish, pa patur nevojën e një trajtimi mjekësor.

Vitin e kaluar Jamie Coots u arrestua duke transportuar pesë gjarpërinj në Knoxville, Tennessee. Zvarranikët u konfiskuan nga autoritetet ndërsa ai u shpall fajtor për posedim të jashtëligjshëm kafshësh të egra.

Në vitin 1995, Melinda Brown, një 28-vjeçare gjetin vdekjen pasi u kafshua nga një gjarpër me zile në kishën e pastorit Coots.

Coots ishte pjesë e një sekti ekstrem të krishterë që daton që prej fundit të shekullit të 19 dhe fillimit të shekullit të 20.

5. Furrtarja përfundon në veshin e Australianit

Një burrë australian ka marrë ndihmë mjekësore për të hequr një furrtare që kishte arritur të futej në veshin e tij, sipas BBC.

Media lokale raportoi se insekti 2 cm i gjatë i kishte shkaktuar dhimbje të tmerrshme Hendrik Helmer. Ky i fundit kishte dështuar në përpjekjet e tij për ta nxjerrë insektin nga veshi me anë të një fshese me korrent. Më në fund, doktorët e spitalit në qytetin verior të Darwin, ja nxorrën insektin nga veshi me pinca pasi e ngordhën atë. Ata thanë se kurrë nuk kishin pasur një eksperiencë të tillë më pare.